Notice: Undefined offset: 1 in /var/www/html/prensalat.com/templates/boliviatemplate/includes/function-bolivia.php on line 2159

Aguila Wawacha


 
 

Huamanga llaqtapis kasqa huk warmacha uchiti uchitillaña, chayna kaptinsi maman suticharusqa "vivocha" sutiwan, hinaspas niq: vivocham wawayqa nispa. Yachay wasiman kachaptinsi mana riqchu. Arco pampatas ripukuq hinaspansi chaypi pukllakuq sapa punchaw wallpakunata jebe warakawan wañuchispa.

Your browser does not support the audio tag.
“Aguila Wawacha”
Chullpariy tutapis t’ikaq sunquchanpi t’ikaq ruruchanpi aguila wamancha wachajusqa huq warmi wawachata Yanirita Carlos Hanqunayra sutichayuqta. Chay aguila wawachas mat’inpi istrilla surtichayuq kanman, much’uchanpi rusara t’ikachayuq mamanhina munay muyu ñawicha. Chay aguila wawachas llaqtanta rikch’arichinqa. Suyakullasunchis runakuna, Sapallansi ukhurimunqa. Chaymi runakuna amapuni mayqin wawatapas k’amisunchu, chay aguila wawachapas kanman.

“Mama P’itikina”
Mama P’itikiña Solisha, yuraq phuyu qisapi takikuspa phutuchikuwarqani, “warmi wawachay, quri qulqicha” nispa. Mama P’itikiña Solisha, laphaykita kicharispa wallpa chiwchichatahina uqllakuwarqanki yuraq phuyu qisachapi, “wawachay tingachay, tinga wiksachay” nispa. Yaraqaymanta waqaqtiypas ñuñukuwarqanki, chhukchachayta yupa-yupaykuspa, paña makichaykipiñataq, lluq’i makichaykipiñataq Dios Yaya waxawaqtinpas chay simichaykiwan, iruq sullachanta, ichhuq sirsichanta, umispalla t’ikachuwarqanki sunquyki wirtachapi Kunanhina chhiriwaqtinpas, kunanhina sunquchay waqakuqtinpas, pullirachaykiq puntachallanwan “hampuway warmi wawachay rusara uyachay” nispa, qaqachata walthakuwarqanki “dirichucha mana ima nanayniyuq qhalichalla wawachay wiñanqa” nispa. Ñawichayta qhawaspataq niwaranki, “kay makichayki iskribidurita” nispa, “kay chakichayki kaminadurita” nispa. Chaymi sapan munasqay mamachay, kay llaqtapi tarikuqtiypas huq quri qulqi q’ipita aparichimuyki, warmi wawachaykiq tinga wiksachaykiq sutinpi, tusuyunaykipaq uhayukunaykipaq